Էներգետիկ նորարարություն Հայաստանում. աշխատաժողով EMIS համակարգի վերաբերյալ

Անցած շաբաթ պետական գերատեսչությունների, մասնավոր ընկերությունների և էներգետիկայի ոլորտի փորձագետներն ու շահագրգիռ կողմերը հավաքվել էին՝ ուսումնասիրելու Հայաստանում էներգիայի կառավարման թվայնացումը` Էներգետիկայի կառավարման տեղեկատվական համակարգի (EMIS) միջոցով:

EMIS-ը ժամանակակից գործիք է, որն օգնում է հետևել և վերլուծել էներգիայի սպառումը, պահպանել շենքերի էներգետիկ նկարագրերը, աջակցել խելացի բյուջետավորմանը և վերահսկել ջերմոցային գազերի արտանետումները՝ ինչը կարևոր է կայուն աճի և ապացուցահենք որոշումների կայացման համար:

EMIS-ն արդեն օգնում է Երևանին օպտիմալացնել ռեսուրսների կառավարումը, մատնանշել անարդյունավետությունը և իրականացնել կայուն լուծումներ:

Շենքերի սեփականատերերից և էներգետիկ աուդիտորներից մինչև քաղաքական որոշում կայացնողներ և մասնավոր հատվածի շահագրգիռ կողմեր․ EMIS-ը խթանում է համագործակցությունը և ճանապարհ է հարթում էներգիայի ավելի խելացի սպառման համար:

Մասնակիցները մեծ հետաքրքրություն ցուցաբերեցին համակարգի վերլուծական ներուժի և մոդելավորման հնարավորությունների նկատմամբ: Չնայած որ ներկայում ընդունված են ամսական թարմացումները, քննարկումներ են ընթանում՝ ապագայում իրական ժամանակում տվյալների ներմուծումը հնարավոր դարձնելու համար:
EMIS-ի միջոցով Հայաստանը համարձակ քայլ է կատարում դեպի ավելի խելացի, կանաչ և ավելի արդյունավետ էներգիայի կառավարում: