Հավանության է արժանացել 700 սուբվենցիոն ծրագիր. կառավարությունը 6 մարզերի եւս 828 մլն դրամ հատկացրեց (06-24-2021)

11 հուլիսի 2021

Կառավարությունն իր այսօրվա՝ մայիսի 13-ի նիստում որոշում կայացրեց ՀՀ համայնքներին պետբյուջեով արդեն իսկ նախատեսված սուբվենցիաներից բացի այլ սուբվենցիաներ տրամադրելու նպատակով Արմավիրի, Գեղարքունիքի, Լոռու, Կոտայքի, Սյունիքի և Վայոց ձորի մարզպետարաններին հատկացնել 827,758.2 հազար դրամ:

Ըստ հիմնավորման՝ 2020 թ. սուբվենցիաներ ստանալու համար ծրագրային հայտերի գնահատման միջգերատեսչական հանձնաժողովի կայացած նիստերի ընթացքում քննարկվել և հանձնաժողովի կողմից հավանության է արժանացել 700 սուբվենցիոն ծրագիր:

Հայտերը հիմնականում ուղղված են համայնքներում կապիտալ ներդրումներին, մասնավորապես՝ համայնքներում փողոցների, այգիների, պուրակների, խաղահրապարակների բարեկարգմանը, համայնքային շենքերի, մշակութային տների, մանկապարտեզների, հանդիսությունների սրահների կառուցմանն ու նորոգմանը, խմելու, կոյուղու, ոռոգման ջրագծերի կառուցմանն ու նորոգմանը և գիշերային լուսավորության անցկացմանը, բնակավայրերի գազաֆիկացմանը, բազմաբնակարան շենքերի ընդհանուր բաժնային սեփականության գույքի նորոգմանը՝ էներգախնայող միջոցառումների կիրառմամբ:

Աղբյուր՝ https://bit.ly/3wSEtgR

Հիշեցնենք, որ ՄԱԶԾ-ԿԿՀ «Շենքերի էներգաարդյունավետ արդիականացման ծրագիր»-ը սերտորեն համագործակցում է ՏԿԵ նախարարության հետ ՀՀ պետական սուբվենցիոն ծրագրի շրջանակում` համայնքներում իրականացնելով շենքերի էներգաարդյունավետության բարձացման համալիր միջոցառումներ: