Երկօրյա դասընթաց

2 նոյեմբերի 2021

Հոկտեմբերի 25-ին և 26-ին Ծաղկաձորում անցկացվեց «Շենքերի՝ համայնքային էներգետիկ կառավարում, Էներգիայի կառավարման տեղեկատվական համակարգ, Չափողականություն, հաշվետվայնություն և հավաստագրում» խորագրով երկօրյա դասընթացը։ Այն կազմակերպվել էր Հայաստանում ՄԱԿ-ի Զարգացման ծրագրի և ՄԱԿ-ի Եվրոպական տնտեսական հանձնաժողովի (ԵՏՀ) կողմից։

 

Դասընթացի ընթացքում Կայուն  էներգետիկայի գծով միջազգային փորձագետ պրն. Մատիյա Վաժդիչը ներկայացրեց ոլորտում առկա լավագույն միջազգային փորձը: ՀՀ Շրջակա միջավայրի նախարարության ԲԾԻԳ-ից, Երևանի քաղաքապետարանից և քաղաքապետերի դաշնագրի անդամ հանդիսացող այլ համայնքներից դասընթացին մասնակցող մասնագետները քննարկեցին միջազգային փորձի տեղայնացման հնարավորությունները և ստացան իրենց հետաքրքրող հարցերի պատասխանները։

 

Դասընթացի հիմնական թեմաներն էին՝

 

  • Էներգետիկ կառավարումը և չափողականությունը, հաշվետայնությունը և հավաստագրումը շենքերի ոլորտում,
  • Գլոբալ և ԵՄ մակարդակներում Էներգետիկ կառավարման և ՉՀՀ ինստիտուցիոնալ, կազմակերպչական և իրավական հայեցակերպերը,
  • Համայնքային էներգետիկ կառավարումը որպես ՉՀՀ ազգային համակարգի մաս,
  • Գոյություն ունեցող Էներգետիկ կառավարման տեղեկատվական համակարգի  օգտագործումմ,
  • Էներգետիկ աուդիտի գործընթացը և բազմաչափանիշ վերլուծության գործիքները,
  • Շենքերում էներգաարդյունավետության միջոցառումների համար ֆինանսավորման հնարավորությունները։

 

Միջոցառումը հեռարձակվում էր նաև առցանց։

Միջոցառման ընթացքում ցուցադրված բոլոր նյութերը կարող եք գտնել հետևյալ հղումով